الصدمـــه

[اسكندر]

اول مصافحة لقلوبكم اتمنى ان تجد الرضا
والاستحسان



تسكب الدنيا الم وانا اشربه=موحشه والناس منظرها مريع
كل مامسح هم ترجع تكتبه=لين صارت تشتري فيني وتبيع
هات ماعندك من الصدمه جبه=وانت تدري ان صدري لك وسيع
قبل ترحل ياحبيبي انتبه=انت تنهيني وانا بعدك اضيع
بينك وبين الحزن فيني شبه=كل واحد منَكم فعله شنيع
عذَب الحب النقي ماتعذبه=لو بغيت تهمشه ماتستطيع
كبره بقلبي يضيع الصبح به=وتزخر بعطره اكاليل الربيع
كنَه انفاس التلال المعشبه=يرتمي باحضانها الحمل الوديع
ولو توارى نورها ما اصعبه=كنه يقتل باقي احلام القطيع
الوداع بهقوتك وش تحسبه=كلمتين تقولها وذاب الصقيع
قلبي اللي حب وين اصد به=وين اصد وهو يشوفك بالجميع
كل وجهاته دروبٍ مرعبه=وكل ما بالارض في عينه وضيع
قبل ماترحل تسلَل واسكبه=جرح قلبٍ جاد به سوء الصنيع

[عاشق وطن]

مصافحة جميلة اخي اسكندر :)
لا نملكـ سوى الوقوف والتصفيق لجمال هذه الحروف ولابداع اسكندر في رسمها

[راند]

جميلو اخي العزيز اسكندر ومصافحة بالتأكيد نالت الاستحسان وننتظر المزيد من ابداع حروفك

[مفترق طرق]

اسكندر يا اسكندر
من زمان كان وينك وحننا ننتظر ابداعاتك
من جد حروف جميلة ولاتحرمنا يالغالي هذا الجمال من الحروف او تهجرنا كما هجر الاسكندر الفرنسيين :22:

[سليمان الأسلمي]

صح لسانك وسلمت يمناك أخي الكريم

قصيده مميزه

لا تحرمنا من ابداعاتك


تقبل مروري المتواضع