تذكرين ؟؟

[سفير فوق العادة]

ما اقول اني اذا رحتي مع بعدك نسيتك
وما اقول ان خافقي لك مات حبه ثم حنينه

لا وربي مثل ماني في ليالينا هويتك
إنك بفكري سكنتي وإن روحي بك رهينه

تذكرين إن الخطاوي كان ما جيتي لفيتك
تذكرين إن الحنايا لو تفارقنا حزينه

تذكرين إني مع برد الزمن كيف احتويتك
تذكرين اللي سكنتي بين خفّاقه وبينه

تذكرين إني اموت لشوفتك لو ما رأيتك
تذكرين اللي يجي لك حتى وانتي تزعلينه

تذكرين اللي كتب عشقه على جدران بيتك
تذكرين اللي نصب لك نصب تذكار المدينه

تذكرين إنه خفوقي ما حسبته لو عطيتك
تذكرين اللي يحطك جوهرة في نون عينه

تذكرين وتذكرين وتذكري ياما وفيتك
ليش جالس بس اعدد شي كله تعرفينه

ما علينا من سوالف تبتدي ولا ابتدي بك
وما علينا من عذولن حطم قلوبن حصينه

ادري اني لو اعدد ثم اعدد ما حصيتك
لن ربي ما كتب يجمع ظنين ٍ في ظنينه

قد طلبتك شي واحد وما نكرت إني بغيتك
بس عيت به ظروفك والظروف أغبن غبينه

يالدروب اللي رحلتي دون اذني واقتفيتك
مالقيت إلا خيالك والجموع مودعينه

دام عيّا بك زمانك لو بكيتك او شكيتك
غصب عني لازم اصبر وكل شي مجربينه

بس باقي شي واحد عد ما همت وطريتك
وين وديتي خفوقي وانا معتبرك أمينه

الخفوق اللي يعاند لو اقول اني نسيتك
كل ما ليلي غشاني اشعل الليل بحنينه

وسلامتكم


بقلمي

[Don`t be sad]

مــرره مرره روووعـــه
وربي روعه..


لااا عدمنااك ولا عدمنا قلمك يارب


براايــف سفيــر ..

<< لـ عيونك رفعت الفستاان وركضت :)

[سفير فوق العادة]

دونت بي ساد

الرائع حقا هو مرورك الكريم

اشكر لك هذا الاطراء الدائم


بس انتبهي لا تطيحين وانتي تركضين :)

[ابــ غلا ــوها]

صح لسانك
و كلمات رائعة من مبدع ذا قريحة شعرية اروع

[I . N .T . P]

صح لسانكـ سفيــــر ..

الخفوق اللي يعاند لو اقول اني نسيتك
كل ما ليلي غشاني اشعل الليل بحنينه

مرررهـ رووعـــهـ ..
ماشاء الله إبداااع ..

الله يعطيكـ العافيهـ ..
ولاتحرمنا إبداعكـ ..

[نعنوعه هانم]

ابدااااااااااااااااااع
تذكرين إني مع برد الزمن كيف احتويتك
تذكرين اللي سكنتي بين خفّاقه وبينه

تذكرين إني اموت لشوفتك لو ما رأيتك
تذكرين اللي يجي لك حتى وانتي تزعلينه

تذكرين اللي كتب عشقه على جدران بيتك
تذكرين اللي نصب لك نصب تذكار المدينه

يعطيك الف الف الف عافيه
تقبل مروري
نعنوعه هانم