صاحب السمو الملكي الامير/خالد الفيصل

[**اميرة الورود**]

http://www.arb-up.com/files/arb-up-Nov2/qDa16767.gif (http://www.arb-up.com/)

http://www.arb-up.com/files/arb-up-Nov2/B0U16829.jpg (http://www.arb-up.com/)


صاحب السمو الملكي الأمير / خــالــد الفيــصـــل

ومن منا لا يعرف هذا الاسم ؟


الأمير الشاعر الفنان ..


شاعر تغنينا ودندنا بكلماته قبل ان يتغنى بها المطربون ..


شاعر لامس بكلماته شغاف القلوب ..


شاعر كتب لنا أجمل الاشعار ..!!



وفنان تشكيلي من طراز نادر ..!!



لنتعرف أكثر على شاعرنا المميز لنا وقفهـ مع قصائدهـ :



*·~-.¸¸,.-~*عـــــــــــز القصيد *·~-.¸¸,.-~*



عَــزّ القصـيـد وزاعلتـنـي حـروفـه
من يوم غاب الّلي قصيدي مهاويه

غابـت بــه الدنـيـا وخـلّـت طيـوفـه
عـزّي لمـن مثـلـي زمـانـه يعـاديـه

عقب الملاقىٰ بـس بالقلـب أشوفـه
وعقب المناجىٰ بس بالفكر أناجيه

كـلامـي وشـوفـي لغـيـره حـسـوفـه
من غيره يْخاوي غريبي وأخاويـه

يـا لوعـة المشتـاق تصفـق كفوفـه
لين التفت مـا شـاف بالـدّار غاليـه

كـنّ العيـون بـكـل شـيـن محْـذوفـه
والقلـب كـنّ جمـوع الأيـام ترمـيـه

تسابقتـنـي مــن زمـانــي سـيـوفـه
تجرح مْـرادي فـي حياتـي وتدميـه

يـا عونـة الرحـمـن ويــن النكـوفـه
لين انتحىٰ الخفّاق وش عاد يثنيـه

مـا رحـت أدوّر عنـد خلّـي مـروفـه


مـا يرحـم إلاّ الله فـلا شــك مغلـيـه



http://www.arb-up.com/files/arb-up-Nov2/OSa16907.jpg (http://www.arb-up.com/)



*·~-.¸¸,.-~*يموت الشجر واقف *·~-.¸¸,.-~*



يموت الشجر واقف وظل الشجـر مامـات
رياح الدهر تصرخ وهـي تجـرح جنوبـه

لك الله شجر للمـوت ماترخـي الهامـات
بقت وقفتك يارافـع الـراس مهيوبـه

شجوني لها مع وقفتك يا شجـر وقفـات
عيون النظر مع نظرة القكر مصحوبـه

شموخ الشجر عبره لمـن يفهـم الشـارات
والانسـان فـي غفلـه والايـام محسوبـه

أرد النظـر لاشـك يانظرتـي هيـهـات
أباستوعب العبـره بالاشجـار مكتوبـه

وانا بهترينـي ضعـف الانسـان والهقـوات
أروم العزايـم يـوم وايـام مسلوبـه

أباظهر عن الدنيا مع حالم النظـرات
واسافر عن العالم علـى غايـم دروبـه

وابارسم على غيمه دروب الهوى بسمات
وابانثـر كـلام الحـب طـرب مطـروبـه

واغني بهـا سامـر واقـوم بهـا عرضـات
واباترك ثرى الدنيا لمن كان مطلوبه




http://www.arb-up.com/files/arb-up-Nov2/hUi16984.jpg (http://www.arb-up.com/)


*·~-.¸¸,.-~*مرتاح أحبك*·~-.¸¸,.-~*



مرتـاح احبـك ولا علَّـمـت
حتَّى انـت عيّـت أبيّـن لـك

والبارحه يـوم انـا سلمـت
شكّيـت لـو عينـي تـدلـك

برقٍ لمع في العيون وخفـت
مواجـع القلـب توصـل لـك

عساك في ناظري مـا شفـت
كيـف المعاليـق يومـنّ لـك

من خوفتي لا احتـرق جنَّبـت
هربـت مـن شمسـك لظلّـك

اخشى عليك الهوَى لو طحـت
مـا تلّـنـي يـمّـك يتـلّـك

أبـي قليـلـك ولا حصّـلـت
بعضـك تركنـي مـع كـلّـك

ما ادري صواب او خطأ ما قلت
إنـك حبيبـي و انـا خـلّـك

http://www.arb-up.com/files/arb-up-Nov2/pUW17054.jpg (http://www.arb-up.com/)







*·~-.¸¸,.-~*فدوت عيونك*·~-.¸¸,.-~*



فدوت عيونك لو غدت روح مغليك
وش عاد لو راحت لعيونك عشاير

ابيع مايغلى على الكون واشريك
واسوق لو جتني علومك بشاير

وازعل جميع الناس بالحيل وارضيك
واصبر ولو دارت علي الدواير

واخذ من اايامي لك واعطيك
وان راح عمري فلا هو خساير

http://www.arb-up.com/files/arb-up-Nov2/EJD17288.jpg (http://www.arb-up.com/)





*·~-.¸¸,.-~*يا زمان العجايب*·~-.¸¸,.-~*



يا زمان العجايب وش بعد ما ظهر
كل ما قلت هانت جد علمٍ جديد

إن حكينا ندمنا وإن سكتنا قهر
بين قلبٍ عطيب وبين راس عنيد

لو تفيد المدامع كان أسيّل نهر
مير كثر التوجّد والدمع ما يفيد

اصبر ايام واشهر واتصبرّ دهر
وان حصلّ لي مناتي جيت لوني بعيد

ارجي اللـه واراقب كل طالع شهر
يجلي الـهم عني أو عسى ما يزيد

يا غزالٍ فضوح الزّين عنه أشتهر
في عيوني ملاك ووسط قلبي وحيد

مخطي اللي يشبّه وجنتك بالزهر
الزهر ما لـه رماحٍ تصيب وتصيد

لو جحدت المحبة سقم حالي جهر
مير ما كل قلبٍ ياصل اللي يريد



http://www.arb-up.com/files/arb-up-Nov2/TSn17447.jpg (http://www.arb-up.com/)



*·~-.¸¸,.-~*الله اكبر*·~-.¸¸,.-~*


الله اكبر كيف يجرحن العيون
كيف ما يبرى صويب العين ابد

أحسب أن الرمش لى سَلهم حنون
أثر رمش العين ما ياوي لأحد

يوم روّح لي نظر عينه بهون
فزّ له قلبي وصفّق وارتعد

لفّني مثل السحايب والمزون
في عيوني برق وبقلبي رعد

نقّض جروحي وجدّد بي طعون
قلت يكفي قالت عيونه بعد

وانعطف هاك الشعر فوق المتون
وانثنى عوده وقفّى وابتعد

أشغلتني نظرة العين الفتون
حيّرتني بالتوعّد والوعـــد

هي تمون العين والا ماتمون
لى خذت قلبي وقفّت ياسعد



http://www.arb-up.com/files/arb-up-Nov2/OYX17509.gif (http://www.arb-up.com/)




تقبلوا تحياتي
منقول

[عاشق وطن]

اختي الغاليه اميرة الورود ,,, ومن لايعرف امير الكلمة الامير خالد الفيصل الذي لامس بحروفة معنى الشعر

اختي اميره ما اجمل مانقلتي من حروف ,,, كل الشكر والامتنان لهذا النقل الاجمل من رائع